انهردة جيين مرة تانيه حنتكلم عن التعلم عن بعد فى مصر بس انهردة ومن ساعة ما قررت الحكومة المصرية تعطيل التعليم فى مصر وانا الحقيقة بجرب اكتر من تطبيق بديل ممكن توفرهولنا التكنولوجيا عشان نقدر نربط بين المدرس والطالب عشان نسهل سير العملية التعليمية وده باجتهاد شخصى ليا .
طبعا كان فيه اكتر من تطبيق خاضع للتجربة دى ومن المؤسف ان اسواء تطبيق كان لبنك المعرفة الخاص بوزارة التربية والتعليم بس التطبيق ده طبعا مش رسمي يعنى اجتهاد شخصى من حد ما لكت التطبيق كان كله عباره عن اعلانات وكمان مش بالتنسيق المقبول لكنى بردو حسيبلكم الرابط بتاعه يمكن يعجب حد غيرى .
رابط تطبيق بنك المعرفة
وبعيدا عن التطبيق يتصدر الموقع الرسمى لبنك المعرفة المصرى قمة ترتيب المواقع التعليمية من وجهة نظرى طبعا لكن فهرسة الدروس هى الحاجه الوحيدة اللى تنقص الموقع ده واللى ممكن تعوضها بمحرك البحث المستقل الخرافى اللى فى الموقع ده غير انه غنى جدا بالمعلومات سواء للمعلم او الطالب او حتى الباحث الوزارة تعبة جدا فى الموقع ده عشان يطلع بالشكل ده واشترت محتويات علمية من ديسكفرى وغيرها من المواقع التعليمية حولين العالم وبتوفر ده بشكل مجانى للطلاب وغيرهم من المصريين لان التسجيل عليه بيحتاج الرقم القومى
رابط موقع بنك المعرفة المصرى
وزارة التربية والتعليم اطلقة موقع تانى اسمه المذاكرة الرقمية واللى يحتوى على مناهج من بداية الصف الثالث الابتدائى حتى الصف الثانى الثانوى
رابط موقع المذاكرة الرقمية
تطبيق الاضواء
من التطبيقات الرائعة بردو واللى من وجة نظرى يعتبر افضل تطبيق الكترونى للتعلم الذاتى للمناهج الدراسية فى مصر واللى الحقيقة شدنى جدا وابهرنى بطريقته وترتيبه وسهولة التعامل معاه واجهة التطبيق بيخيرك بين التسجيل كطالب او ولى امر او مدرس لو دخلت ولى امر بتقدر انك تراقب مستوى ابنك وتختبره عن طريق انك بتبعتله اختبار على حسابه فى التطبيقوبتتابع نتائجه اول باول
رابط تحميل تطبيق الاضواء
تطبيق نفهم
الحقيقة اترددت كتير قبل ما ادرج التطبيق ده ضمن مقارناتى وكنت بشوف له اعلانات كتيرة وده اللى خلانى اجربه التطبيق فيه جزئين الجزء المجانى عبارة عن اجتهادات شخصيه من مدرسين وطلبه لشرح الدروس اما الشكل المدفوع منها فهو عباره عن درس خصوصى او شراء ملازم معدة مسبقا
رابط تحميل تطبيق نفهم
يعتبر من احسن التطبيقات اللى جربتها لحد دلوقتى التطبيق بيتيحلك مجموعات مختلفة للمواد انتا بتختار المجموعه اللى تدخل فيها واللي بيتم فيها تبادل الخبرات بين الطلبة والمدرسين وكمان بيقدر المدرس انه يعمل بث حي للمجموعه للشرح وللاجابة عن الاستفسارات
رابط تحميل تطبيق نون اكاديمي
تطبيق Google classroom
التطبيق المعجزة ويمكن هو ده اللى حينجد وزارة التربيه والتعليم فى الفتره اللى جيا التطبيق من انتاج شركة google وده بيديه مصداقية كبيرة التطبيق عباره عن غرفة عمل بين الطلاب والمدرسين اللى بيتم الجمع بينهم فى غرف مغلقة خاصة ودى ميزة حتخلى كل مدرسة وكل فصل مغلقين بذاتهم واللى بالفعل بدات تطبيقه بعض الادارات التعليمية فى مصر
لو حابب تتعرف على الطريقة اللى نزلتها الوزارة لاستخدام التطبيق حتلاقيها هنا .
رابط تحميل تطبيق Google classroom