لو انت من اللى كل اما تروح مكان تستخدم الواى فاى اللى فيه لو كفتريا او حتى مكتب لصديق تعرف انه ممكن بكل سهولة يوصل لملفاتك ويشوف كل اللى على موبيلك
عشان كده لازم تستخدم ال VPN وعشان نعرف ايه هى تقنية الVPN تابع شرح انهردة .
الاول نعرف ايه هو ال VPN هو اختصار ل Virtual Private Network وبالعربي اسمها الشبكة الخاصة الظاهرية
فى الاول كان استخدام ال VPN عن طريق الناس اللى عاوزة توصل لشبكتها المحلية وهى مسافرة لبلد تانيه وده احنا مش حنتطرق لطريقته ولا حنشرحه
احنا حنشرح احنا حنستفاد ايه من ال VPN وايه اسهل طريقة ممكن نعمل بيها الVPN على موبيلاتنا
احنا حنشرح احنا حنستفاد ايه من ال VPN وايه اسهل طريقة ممكن نعمل بيها الVPN على موبيلاتنا
طبعا كلنا عارفين ان الامن المصرى بيلاحق الناس دلوقتى وبيتهمهم بنشر اخبار ومواضيع على الانترنت
احنا بقى ممكن عن طريق ال VPN ده انك وانتا فى بيتكم الجهات الرقابية تكشف انك فى امريكا او روسيا او اى مكان تانى الفكرة فى ان التقنية دى بتشفر كل المحتوى واللى بتتعامل بيه على الانترنت وبتعيد نشره من شبكة تانيه فى بلد تانيه الرسمة دى ممكن توضح شوية
الخدمه دى بقى موجودة بفلوس وفيه مواقع بتديها بشكل مجانى لكن الشكل المجانى فيه بعض الخطورة بس الخطورة مش زى انه يتقبض عليك مثلا :D الخطورة بتكون انه ممكن صاحب الشبكة التانيه اللى انتا حتدخل منها على النت هو كمان يدخل على شبكتك
الجزئ المجانى ممكن زى موقع superfreevpn الموقع حيديك حساب لل VPN لكن بسعة استخدام محددة شهريا لو عاوز تزودها ممكن تشترى المساحة
الزيادة واشهر المواقع اللى بفلوس هو SurfEasy
لكن انهردة بقى احنا حنتكلم ازاى ممكن نعمل ده على الاندرويد وايه البرنامج اللى حنستخدمه وازاى ناخد محتوى مجانى واكثر امان فى البلد الغبرة دى :D من فوائد البرنامج ده كمان انك بتفتح بيه معظم المواقع اللى مش مسموح بيها فى بلدك وده حنستفاد منها قريب فى الايام السودة .
البرنامج بتاعنا هو Free VPN Proxy by Betternet
البرنامج انا استخدمته شخصيا وهو رائع قليل من الاعلانات فى موضوع زى ده لا يضر مشكلته كمان البطئ فى التصفح
البرنامج من واجهته كده كل اللى عليك انك تدوس connect او توصيل والبرنامج بيدورلك على اسرع vpn مجانى وبيوصلك بيه
سواء كنت مستخدم 3g او الواى فاى
البرنامج موجود على الاندرويد والايفون
ممكن تحملوها من المتجر وانا حاطط رابط تحميل موثوق للاندرويد
الروابط:
رابط اضافى
نتمنى يكون الشرح عجبكم لو فيه اي استفسار متترددوش فى مراسلتنا لتقديم الدعم الكافى