انهردة حنتكلم عن تطبيقين انا شايف ان وجودهم مهم جدا فى قائمة برامج موبيلك لو انتا من المهتمين بالمزيكا والمحتوى الفديو التطبيقين اثبتو جدارتهم فى مواجهتهم مع تطبيقات عديده ومشهورة منهم تطبيق play و تطبيق video الخاصين بجوجل
نبدا مع التطبيق الاول
PlayerPro Music
البرنامج مميز ورائع جدا تقدر من خلاله انك تعمل بلى ليست لكل الاغانى اللى حابب تسمعهم ورا بعض وكمان تقدر انك تنزل بوسترات الالبومات اللى عندك وكلمات الاغانى من النت وتتعرض زى الكايروكى مع الاغنية ده غير الامتدادات الكتيرة اللى بيشغلها البرنامج حتى الفديوهات(بس انا مبفضلهوش فى الفديو) وتقدر كمان انك تستمتع بانك تسمع الاغانى من الفولدرات لو انتا مقسم الاغانى بفولدرات على الموبيل زى ما انا عامل وده الميزة الزيادة عن باقى برامج سماع المزيكا
التطبيق فيه امكانيات اكتر حتكتشفوها مع الاستخدام
التطبيق فيه امكانيات اكتر حتكتشفوها مع الاستخدام
البرنامج نازل بنسختين النسخة التجريبية ودى بتديكم شهر مجانى وده تقدر تحملها من البلاى استو والنسخة البرو ودى انا ححطلكم رابط ليها
PlayerPro v3.7 APK
vplayer
البرنامج التانى متخصص فى الفديوهات تقدر من خلاله انك تشغل جميع صيغ الفديوهات حتى الفديوهات اللى حملتها من اليوتيوب كمان تقدر انك تتفرج منه على اى فديو اون لاين عن طريق انك بتعمل شير من الفديو على النت وتختار البرنامج البرنامج تقدر من خلاله انك تزوم الفديو وتعرضه على كل مساحة الشاشه البرنامج فيه كمن امكانية انه يعرضلك الترجمة ده لو حبيت انك تشغل فيلم عليه البرنامج فيه مميزات كتيرة حتكتشفها مع الاستخدام السهل
العيب بقى ان التطبيق ده اتمسح من متجر جوجل لكنى جبتلكم رابط ليه حتلاقوه تحت
اتمنالكم مشاهدة واستمتاع ومتنسوش تشيرو البرامج وتحكو عنها لاصحابكم عشان تعم الاستفادة