إنهردة ميعادنا مع اطلاقة لموقع جديد نتمنى انه يزيد تطوره ويبقى من المواقع الحكومية الرائدة موقع التموين الموقع تم عمله على خوادم وزارة الانتاج الحربي
الموقع الحقيقة بيان عليه البساطة والحقيقة هو يفتقر لكتير قوى بس نتظر انه يتطور اكتر واكتر
الموقع بيقدم 4 خدمات :
ودى المفروض انها بتبقى لاضافة او ازالة اشخاص فى البطاقة بس للاسف ما اشتغلتش معايا :( بيقولى ديما ان مفيش بيانات لبطاقتى
ودى بتجيبلك حالة البطاقة اللى معاك وعدد الافراد اللى فيها وهل تم اصدارها ولا لا وايه وجه الرفض لو لقدر الله اترفضت وده بيحتاج الرقم القومى ورقم الموبيل اللى اشتركت بيه
وده المفروض انها خاصة بموظفين التموين عشان اضافة الطلبات الجديده وخدمة العملاء وكده يعنى
وده من خلاله بتقدر انك تغير رقم الموبيل اللى متعاقد بيه فى مكتب التموين بس لازم يكون معاك رقم الطلب ورقم البطاقة ورقم القومي لصاحب البطاقة
======
عيوب الموقع يمكن اهم عيب غير انه مبهم كده والردود مش شرحا نفسها يعني مش عارف ليه لما دخلت على تحديث البيانات مظهرليش غير ان لا توجد بيانات فمش عارف هل الجزء ده من الموقع لسه ما اتفعلش ولا انا بس اللى عندى المشكلة
كمان مفيش وسيلة اتصال يعنى على الاقل كان من تحت كتب رقم الخط الساخن الخاص بالتموين او ضاف خانة مراسلة مع الادارة .
طبعا الخطوة نفسها انا شايف انها كويسة جدا بغض النظر عن انها محتاجة لتطوير